ايس كريم خفيف أدخل وبدون بيض وطعم لذيذ

االايس
كريم دة سهل سريع ومش محتاج لالة الايس كريم بستخدم الخلاط العادى وهو
عبارة عن مهلبية سايلة وكريمة فقط لا غير ممكن ما تصدقوش جربوا ومش
حتندموا انا من النوع اللى ما بيعملش بمقادير لكن حقولكم انا انهاردة عملت
علبة مليانة ايس كريم اللى هى العلب اللى بتتحط فيها الجبنة او الزبدة لما
تيجى تشتريهم من المول و استخدمت ليها 4 اكياس دريم ويب وتلات ملاعق نشا
كبيرة انا استخدمت بدل النشا كسترد بودرة كان موجود عندى الموجودينفع وكان
عندى لبن بودرة استخدمتة بدل اللبن او الحليب العادى ما كنش عندى حليب
عادى حاقولكم على مقادير تجربوها وتقولولى والمرة الجاية حعمل بمقادير
معينة مظبوطة واقولكم مع الصور للاسف معنديش برنامج الفوتوشوب بعدين انزل
الصور ممكن تجربوا المقادير دى

كيلو حليب بفضل الطويل الامد طعمة احسن ولو عندك لبن بودرة ممكن تضيفى معلقتين
ملعقة نشا مذابة فى قليل من الحليب
سكر لتحلية المهلبية -2 كيس دريم ويب- نصف كوب شاى لبن يوضع بالفريزر لخفق الكريمة

الطريقة
يوضع اللبن على النار ويحلى عادى ضيفى السكر وتذوقية يصل لطعم السكر الموجود بالايس كريم او حسب رغبتك
قبل الغليان قلبى معلقة النشا فى قليل من اللبن وضيفيها على اللبن الموجود
على النار مع التقليب المستمر ولما تغلى اطفئى النار المهلبية بتكون سائلة
تبرد شوية اضربيها فى الخلاط ويوجد فى الغطاء فى المنتصف جزء شيلية اللى
بيستخدم لاضافة اى شيى اثناء الخفق علشان يخرج البخار لو فى سخونة او ممكن
تتنظرى لما تبرد المهلبية واضربيها فى الخلاط جيدا مش مهم وهى سخنة انا
بستعجل حتلاحظى ان المهلبية بقت سا يلة اكتر تكونى خفقتى الكريمة ضيفى
الاثنين على بعض لما تبرد المهلبية وارجعى اضربيهم فى الخلاط مرة تانية
كويس وخلاص حطيهم فى الفريزر وبالهنا والشفاء انا عارفة انكم مش مصدقين
انة بالطريقة دى حيبقى ايس كريم التجربة خير برهان وياريت لو تلاقوا نوع
كويس من الفانيليا ابقوا حطوا مفيش مش مهم مش عايزة احلف هش وبيدوب فى
الفم جربوا وردوا عليا وانا باذن **** لما اعمل تانى واقدر انزل صور
حنزلها فى اى وقت فى نفس الموضوع ويا ريت يكون من الاحسن تضربوا المهلبية
فى الخلاط وهى باردة ما تعملوش زيى كل خلاط بيختلف عن التانى ممكن ما
يستحملش السخونة يتلف تدعوا عليا وعلى اية وعلى فكرة احسن لو برد علشان
وجود اى بخار حيعمل شعيرات تلج فى الايس كريم بعدين لكنة فى كل الاحوال هش
وخفيف وطعمة جميل جربوا
وأتمن أنوا يعجبكم

مشكووووووووووووووور أخي موضوعك رائع جدا